شعــــــــ ناعـــور الوكــــت ــــــر مني الكم عبودي السفير

احس متغير اني ومالي خلك للناس
واحس تعبان كلبي من الوكت مقهور
مثل غيمه حزن تمطر علي كبريت
وانه بنار عايش والدموع تفور
كل يوم الامس مثل الفلم ينعاد
وباجر والامس والجاي نفس الطور
غيرني الوكت غيرني حيل وياه
وفوك الضيم الاكشر بيه ظل يدور
ناعور الوكت يسكيني جان اشعار
وافتر الوكت وانه الصرت ناعور
جنت اضحك واسولف ويه هذا وذاك
على غفلة ولكيت الناس كلهة تجور
ماتت للاسف كل بسمه فوك شفاي
وياحيف الرماني بلا ذنب مغدور
طرت بجناح واحد للفرح فديوم
اشو حتى الفرح ردني بجنح مكسور
ضيعت البخت وانه الجنت محضوظ
حتى ويه العشك ماعشت لحظة بنور
ياكلبي شكثر عذبتك انت وياي
احس كلبي على كلبي من الحزن مفطور
لتكابر بعد واكتب جروح البيك
لتمثل بعد كلش صعب هلدور
ياكلبي الندم ياكلني صبح ولليل
شبيبتك غصب وك انه مامعذور
جبت بيدي العذاب وعذبيتك ليش
جنت مرتاح انت وماجنت مجبور
استاهل حزن واستاهل اكثر حيل
عساني بنار اشب وبلدمع معصور
تحــــياتي الكم عبودي السفـــير

عاشت الايادي الطيبة على هذا الشعر ذووووووووق
تحياتي
المدير:ألألـــ(محمد)ـــوسي