°•*°صــدفـه والـتـقـيـنـا*•°
°•*°صــدفـه والـتـقـيـنـا*•°
°•*°صــدفـه والـتـقـيـنـا*•°
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

°•*°صــدفـه والـتـقـيـنـا*•°

ألألـــ(*محمد*)ـــــوسي
 
الرئيسيةأحدث الصورالتسجيلدخول

 

 أبوذيـــــات العــــتــــاب بـــيــــن الآحبــــة

اذهب الى الأسفل 
كاتب الموضوعرسالة
دمعة_الم

دمعة_الم


عدد المساهمات : 30
تاريخ التسجيل : 31/01/2010
العمر : 40

أبوذيـــــات العــــتــــاب بـــيــــن الآحبــــة Empty
مُساهمةموضوع: أبوذيـــــات العــــتــــاب بـــيــــن الآحبــــة   أبوذيـــــات العــــتــــاب بـــيــــن الآحبــــة Icon_minitimeالأحد فبراير 07, 2010 2:23 pm

أبوذيـــــات العــــتــــاب بـــيــــن الآحبــــة 1aw5


أبوذيـــــات العــــتــــاب بـــيــــن الآحبــــة 21عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه



هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه



الج بس انتي گلبـــــــــــــــي .. ورجيته
ودمع العـــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه


رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه


هجرك يا ولف صاير بلا حد
مثل سيف اليكص ركبه بلا حد
كلتلي انتظري انه ارجع بالاحد
اجه الاحد يمته تعود اليه


احد سجين صبري وجن ولا حد
التفت وما شفت ربعي ولا حد
اشجم سبت اليمر بيه والاحد
اجي بس شوفتج تصعب عليه


لتهم بالعمر خلصان وحده
وانه ضعني سرا بالهوى وحده
حلت جنها بعيونك غير وحده
وكمت ما تسال ولا تمر بيه


غيرج ما حله بعيني ولا طاب
ولا دونج دخل كلبي ولا طاب
يجرحي وياج لا هود ولا طاب
دم ينزف ولا تدرين بيه


محبتك تجري وي روحي ويه دماي
وعليك انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه


عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه



الا تظلم دليلي اياك وياك
انه طفيتك وجف الغير وياك
صدك من علي تهد وياك
اهد وافزع وطك بثنين اديه

شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه


عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه


صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خصرتني بسبب بطرانك عليه

عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه



الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه


الگلب ضل بس اهو وحـــده .. ورباه
يتيم وما لگه واحــــــــــــــد .. ورباه
منو المثلي أخ جرحــــــــــه .. ورباه
وكبرنه اعله القهر احنه سويه



الوادم تنظر لجسمــــــي .. يروحاي
وأنه اموتاتني سكتــــــه .. يروحاي
ليش وبالعجل طحتـــــــي .. يروحاي
خلص صبرچ يروحي وخنتي بيه


سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه


سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية





سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه

افرح لو شفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه

كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه

اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه

اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر
وانه البرحي انكلب حنضل عليه


اذوبن لو شفت مرة خيالج
اريد بلا شعور ادخل خيالج
انتي مهره وانه الجايج خيالج
وعلى درب العشك تمشين بيه


تلفاتج يدنيه من تلفني
وابيض ثوب روحي من تلفني
فرني شتلكه بيه من تلفني
غير الحزن ما ظل شي بديه


حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه



حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه


روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرم و وصلك عليه
اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه



تـــحـــيأتــي للــجــميــع
الرجوع الى أعلى الصفحة اذهب الى الأسفل
 
أبوذيـــــات العــــتــــاب بـــيــــن الآحبــــة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
°•*°صــدفـه والـتـقـيـنـا*•° :: اشعار حب وفراق حزينة-
انتقل الى: